محكمة....الشاعر احمد حسن عمر

**************

كان المفروض
مانسيبش ميدان التحرير
قبل التحرير
كان المفروض لمّا نحاكم
تبقى محكماتنا الثورية
كدا فورية
من غير تأخير
كان المفروض اللى بيحكم
قبل ما يحكم
نزرع له ضمير

ما نسيبش الورق المتستــّف

والمتكـتــّــف

كدب وتزوير!!
كان لازم نتغيّر إحنا
قبل التغيير
مش بس نغيّر مــلامحنا

او مطارحنا

وخيالنا  يطير !!
ونقول للناس احنا نجحنا

ونرش عصير !!
و الثايــــرلسه بيتهجّى
ف لجنة تعبير!!
فكرنـّا الطفل الى بيحبى
بقى شـاب كبير
وجرينا نكوّش ع الكرسى
ماهو كرسى خطير

ونسينا الحلم المتـشوّق

واقف  طوابير
ونسينا الحكمة اللى قالواها

اجدادنا كتير
الجرح بيرجع يتجدد
لو فات مُدّة
من غير تطهير!!
وخسرنا كتير
علشان فى سرادق
افراحنا
تاه التفكير!!

والقاتل بقى حكمه براءة

واحنا القاتلين !!

.................................................

الشاعر احمد حسن عمر

ميّت ..!!....زجـل ..الشاعر أحمد حسن عمر

********

افـــرض مــثــلاّ إنـّك مـــــت.... وان الناس جــــايـه تـعـــزّيــك

اللى بيشكـــر ويقــــول طيّب.... واللى ف ســـره بيشـتــم فـيـــك

وانك شــايل ويــا اصحـــــابك.... نفســـك ..رايــح تدفــــن فــيك

وان مـــراتك فــرحت جــــــداً....وســط جــنـازتـك لبست شـيـك

ولّا ف وسط جنازتك جــارتك.... طلّت تضحــك م الشــبـــــابيك

وان الـــورثه قــــــوام اتلــموا.... قعــدوا يبيعــوا ويشــتروا  فيك

اللى يقول راح ياخــد الشـــقه.... واللى بيرســـــــم ع التمــــــليك

فكّــر حبّه وجـرّب مـــــــــرّه ....يســرح فيها خــيـــــــال معاليك

راح تتأكــــــد ان الــــــدنــيـا.... كـــدبه كبيـــــــره بتلعـــــب بيك

وانك فــــايت كـــــل نعيمــها ....مهمـــــــا تــغـــرّك أو تـــدّيـــك

وان القبر اللى انت دخـلـتــه.... شبــــر يـــادوبــــك على قــــدّيك

واللى آذيته ف وقت حسابك ....جــــاى بيحاسبك وبيــــــــأذيـــك

وان أعـــز احبــابك ســـابك.... أول واحـــــد يعـنى نــــــسيــــك

وان العــمــل الصالح وحده ....هــــــو البـــــاقى من بعـــــديـــك

وبين الجنّه وبـــين الــنـــار.... يمكـــن حســنه اللى تعــــــدّيــــك

أحمد حسن عمر

د. زينب ابو سنّه ... مهداه من ..أحمد حسن عمر

*************

اسـمــحيلـى مـش حاخـبـّى      إنّى اقــــول لك انت جــــنــّه

حــبــك انت خـش قــلـبـى      حــبّــه حــبـّـه ’ سـنــّه سـنــّه

انت جـايزه باعـتهـا ربّـى      انت نــعــمـــــه, انت مـــنـــّه

نفسى اقــول لك أو اعــبّر      عـــن مشاعــــرى امّا اتقابلنا

كلمه واحـده مش حاكـتـّر       انــــك انت نـــــور لــجــيــلنا

النصيب مـكـتوب مـقــدّر       لو ما رحناش ليه يــجــيـلــنـا

انت نـــور ف قلـــوبنا نوّر     انت جـــوه عــــروقــنا نيلنا

انت زينب .. ايـــوه زينب      بــــس زينب ابــــــو سـنـــّه

أحمد حسن عمر

12/10/2014م

جواكى شيطان....شعر أحمد حسن عمر

**

ياللى مـالكيــش أى قـلــــب      الــــــولاد مالهـــمش ذنب

ياللى بتخــــالفى إتفـــاقـنـــا      إحنا مش داخلين فى حرب

*****

إحــنـــا يـمـكـــن اخـتــلفـنا       واتـفــقــنـــا عـلى الـرحيل

الـشـيطـان جــواكى شـافـنا       قام مشـعــلل ف الـفـتـيـــل

قـسّـى قـلبى . قـسّـى قـلبك       خلّى جمـــر الـعــنــد شب

*****

الــــــولاد لازم اشــــوفهـم       دا الطبيعى بــدون خـنــاق

مش فى صالحك لو تعاندى       أو شــيطــان العند ســاق

ليه شيطــانك بـــــس وزّك       ليه مـــيزان العــيـبه طب

*****

ممكن اشتم  ,ممكن اضرب       ممكن ارفـع ميت قضيّه

بس خــايف حـــــــد يشمت       أو ولادى تكـون ضحيّه

الـــــولاد حيضيعــوا جنبك       الــولاد مـحـتـــاجه حب

*****

ليه تجيب الناس فى ســيرتك     انت ليه غـاويه المشاكل

شوفى صورتى ويا صورتك     م الهموم صبحت هياكل

انت ليه نـــــــاسيه وشيطانك     ان فيه فى الآخــرة رب

*****

اعملى اللى يــروق لحــــالك     بس فى الآخـرة الحساب

انت ايه بس اللى جــــــــالك     خلّى عــقــلك فـك , ساب

انت عــــاوزه حكيم عشانك     بس مـش دارس فى طب

*****

العيال راح يسألــــــــــوكى     لمّا ح امشى بــابـــا فين؟

ويلومــونى ويلومـــــــوكى     والإجــــــــابه دمعتين !!

انت عـــــــــاوزه تفصلّينى     ولا عـــاوزه  أب صب

*****

اللى عـــارفه انّى راجــــل     زى كــل الناس هــنـــاك

ممكن اظلم , ممكن اعــدل     ممكن اغلط مـش مــلاك

انت لو كان شيخ ف إيدك     كان كــفـر منك وســـب

ــــــــــــــــــــــــــــــــــــــــــــــ

أحمد حسن عمر

6/10/2014م

ملاك من نور ..الشاعر احمد حسن عمر

*************

مادام انت ملاك

ما تروحى هناك

فى ملايكه كتير ح يحاوطوكى

**********

إنمّا ع الأرض

دا قليل ف العد

لـو كانـوا بصدق يحبـّــوكى

**********

بتعـــاملى الــنـاس بالحنيـّه

وبتعشقى قــال حُسن النيـّه

ومفكره قال وانت ضحيـّه

زى ما بتعاملى يعاملوكى

***********

الناس ع الأرض بتتغابى

وديابه بتاكل فى ديــــابه

تديهم حب ...... تآمنيهم

تلاقيهم باعــــوا وجرحوكى

**********

الناس مش ناس أبداً خـــالص

فيها شــــر ولـــؤم .. بتتخابث

الطيّب يدوسوه برجليهم

ويحبّوا اللى بييجى عليهم

ويطبطبوا ويمدوا إيديهم

وإن كنت طريــّه ح ياكلوكى

**********

مادام انت ملاك

خليكى هـــــناك

إيه جابك بس ف وسطينا

دا حياتنا هلاك

ونفاق وشــباك

والغدر كمان دايب فينا

**********

والناس مش نــــاس

دى وجوه وخلاص

راح الاحســـاس

وبقينــــــــا بناكل بعضينا

**********

خليكى ملاك بين الافلاك

معلش عشان خاطرى سيبينــا

.....................................................

أحمد حسن عمر

ما افتكرش .. ...الشاعر أحمد حسن عمر

***********

ما كنتش اعــــــرف إنك انت مــــا تستاهلش

ما كنتش اعـــــــرف إن وشّــــك تحــتـه وش

عــــايش بتـخـــدع فـــيّا وتـــمــــر الســــنين

قــلبى اللى يــــوفى وانت قلبك كله غـش !!

**********

فرحــــــان عشــان قلبك قـــــدر يخدع ملاك

نــــاسى ان فيه فى الآخــــره نــار مستنياك

يوم الحســـاب ح تخــش نـــار لو كنت مين

لو كنت فاكــر إنى اسامحك ... ما افتكرش

******

فرحـــان عشـــــان قلبك قــــــدر يغدر يبيع

وفــاكرنى انا من غيرك انت كمان حاضيع

انت اللى حتعيش بعــــدى انا عمرك حزين

اقــعــد مــع نفسك وفــكـــــّر... ما تكابرش

الله يعــينــك ..!! ...للشاعر أحمد حسن عمر

جاى تتأكد

إن الطعنه بتاعتك صابت

طبعاً صابت

تسلم إيدك ليا يا صاحبى

ويسلم ليا كمان تنشينك

تسلم عينك

اللى اختارت إن الطعنه

تروح لصديقك

قصدى زميلك

قصدى عبيط كان فاكرك صاحبه

كان بيحبك ويغنيلك

كان بيفكر لمّا ح يبكى

انت اللى تخرّج منديلك

كان لو حس فى مرّه بخنقة

كان بيجيلك وبيحكيلك

المشكله مش جرح ياصاحبى

المشكله مش يعنى خيانتك

أو تدبيرك

المشكله مش كتّر خيرك

المشكله ولآخر لحظه

كنت باحبك كنت داعيلك

أنت خسرت خساره كبيره

أنت خسرت صلاتك ,دينك

وخسرتنى !

وانا كنت باشيلك

نفسى فى حاجه ؟

آخر حاجه

إمشى ياصاحبى

وماتبقاش تبعــت مراسيلك !!!!

عم امـــام ....للشاعر احمد حسن عمر

********

بيرن صحابي عليا
اخرج ع القهوه اوام
ومراتى بتزعل منّى
لو اقابل عم إمام

....
وبتغضب تلوى ف بوزها
وتصـدنى لمّا باعــــوزها
وتروح لأبوها وتشكى
وكمان تعمل افلام

....
وتقابل عم محمد
تشكيله من الأحوال
وتقول له سايبنى لواحدى
ومعايا تلاته عيال
فيهدّى مراتى ويشرح
ف حديث ماهو اصله إمام
ويسيبها سعيده وتفرح
من قبل مايجى صدام

.....
ويقول القهوه جديده
بتجمّع فى الأحباب
وكمان حوارتنا مفيده
مش مين ودّا ومين جاب
والقاعده عشان نتسلّي
مش اي كلام ف كلام

.....
ويقول لها جوزك طيّب
عرفينو وابن حلال
ولا شارب شئ واتغيّب
ولا عمره إتغر ومال
قاعدين ع القهوه ولكن
شايلين م الهم جبال
وفرجها يابنتي قر يّب
ويسيبها ويرمي سلام
ويجيني بسرعه يطيّب
ويعينّى على الأيام

.............................................

أحمد حسن عمر