**************
كان المفروض
مانسيبش ميدان التحرير
قبل التحرير
كان المفروض لمّا نحاكم
تبقى محكماتنا الثورية
كدا فورية
من غير تأخير
كان المفروض اللى بيحكم
قبل ما يحكم
نزرع له ضمير
مانسيبش ميدان التحرير
قبل التحرير
كان المفروض لمّا نحاكم
تبقى محكماتنا الثورية
كدا فورية
من غير تأخير
كان المفروض اللى بيحكم
قبل ما يحكم
نزرع له ضمير
ما نسيبش الورق المتستــّف
والمتكـتــّــف
كدب وتزوير!!
كان لازم نتغيّر إحنا
قبل التغيير
مش بس نغيّر مــلامحنا
كان لازم نتغيّر إحنا
قبل التغيير
مش بس نغيّر مــلامحنا
او مطارحنا
وخيالنا يطير !!
ونقول للناس احنا نجحنا
ونقول للناس احنا نجحنا
ونرش عصير !!
و الثايــــرلسه بيتهجّى
ف لجنة تعبير!!
فكرنـّا الطفل الى بيحبى
بقى شـاب كبير
وجرينا نكوّش ع الكرسى
ماهو كرسى خطير
و الثايــــرلسه بيتهجّى
ف لجنة تعبير!!
فكرنـّا الطفل الى بيحبى
بقى شـاب كبير
وجرينا نكوّش ع الكرسى
ماهو كرسى خطير
ونسينا الحلم المتـشوّق
واقف طوابير
ونسينا الحكمة اللى قالواها
ونسينا الحكمة اللى قالواها
اجدادنا كتير
الجرح بيرجع يتجدد
لو فات مُدّة
من غير تطهير!!
وخسرنا كتير
علشان فى سرادق
افراحنا
تاه التفكير!!
الجرح بيرجع يتجدد
لو فات مُدّة
من غير تطهير!!
وخسرنا كتير
علشان فى سرادق
افراحنا
تاه التفكير!!
والقاتل بقى حكمه براءة
واحنا القاتلين !!
.................................................
الشاعر احمد حسن عمر
