موبايل ..!! كلمات أحمد حسن عمر

............

كل مـــا تطلب والقى النمــــره

يفــرح قـــــلبى وابقـــى سعـــيد

واشعر إنّى باطـــــير م الفـرحه

واجـــــرى اسمّى اليوم ده عيد

وافضل احضّر ف الل ح اقوله

وافضل انقى فى معنى جــــديد

كل مكالــمــــــــــــه إتعلق بيها

كل مــا تضحــك شـــوقى يزيد

أول كلـمـه تـقـــــول لـى إزيـّك

أمّا التانيه إبعــــت لى رصيد !!!

أمنيه ..!! ..شعر أحمد حسن عمر

............

حـُـط إيدك فـــــوق جــــراحــى

تلقى جـــــرحك لسه صــاحــى

لســه مسـتنّى فى صبـــــــاحـى

تــيـجى وحــــــــدك وتــداوينى

**********

مـــد إيــدك شـيـل هـمــــــومى

إمسـح الـدمعـه فى عــيـــــونى

طـــول ســاعاتى وكل يـــومى

لســـــــه مـــستـنـّيـك تـجـيــنى

**********

رجّــع الأشـــــــــواق عاهدنى

لمّــا ابــعــد يــــوم تجـيـبــــنى

قــــــول لى بس إزاى تسيبنى

وأنت مكتـــوب فــــوق جبينى

**********

خـلّى قلبك هــــــــــــــــو اللى

يبقى اجـمــل شىء فاضل لى

نفسى حضنك يبـــــقى ضلّى

لجـــل تـطـفى نــــــار حنينى

**********

هـــــات إيديك واحضن إيديّا

إزرع الفـــــرح ف عـنــيـــّا

نـفـــسى تــبــقى انت اللى ليّا

وابقى جنبك طــــول  سنينى

.......................................................

أحمد حسن عمر

سعيد بعدك ....أحمد حسن عمر

*********

وده حالى

اجيب الأكل م الغالى

وانام وحدى بدون أولاد

والاقى الهمّ غطّى وزاد

فأبكى دموع بصوت عالى

..............

اشوف الفرح فى عيون اللى حاسدنّى

اشوف السعد فى قلوب اللى ظالمنّى

اقول يارب عقبالى

..............

واسأل نفسى بين نفسى

لإمتى العيشه وحـدانى

وبين املى وبين يأسى

لفين السكه وخـــدانى

واشوف غيرى تعيس مهموم

ارض بحب عـــن حــــــالى

...................

ماليش غير الدمــوع احباب

وافتح بـــاب الاقى ابـــواب

رضايا هو  رســـمـــــــالى

................

اشوف نكران جميل رايح لأغلى الناس

اعز الناس يكون جارح بدون احسـاس

اسيبه وامشى طـــــــــوّالى

....................

اشوف الاعيب ماليش فيها

وادارى جراحــى واشفيها

واسكُت مهمــا يجـــــرالى

..................

عشان طيّب اشوف البخت دا مايل

عشان طيّب اعيش العمر و اتحايل

على عمّى ..على خالى

...............

ياواخد ورثى ايه تانى ح تاخده معاك

وقــبرك شـــبر مــش اكــتر بيستناك

ح تاخــــد بس اعمالك

وتتحاسب على ظلمك

وتندم لجل إهــــــمالى

..................

ح تتعذب وقبرك راح يكون من نار

ومهما ادعى عذابك راح يكون جبار

شوف الفرق بين عملك واعمالى

..........................

كان فيه وقت بس الوقت دا فاتك

ح تتحـــاسب على عملك ونياتك

ح تبكى بجد وحياتك

عشان ما ترد لى مالى

...........

وارضى عليك

ماعدش الوقت دا يرجع ولا يستنى لثوانى

وح ادعى ربنا ياخدك وتتعذب هناك تانى

واعيش وحدى سعيد بعدك

وعيشة الوحده تحــــلالى

...............

...................

أحمد حسن عمر

نشكى لمين ..!!

************

جرّب مــرّه سيــادتك واركـــــب

أتـــــوبيس م الـــــبســــاتين

تلقى زحام وخناق ومشاكــــل

تلقـــى الـــوضـــــع مـُهــــــين

تلقى الأتوبيــــس زى العلـــبه

واحـــنا كمــــــا الســـرديــــن

تلقى البدلة اللى إنت لابسـها

صبحــــت زفـــــــــت و طـــين

تلقى شـــرابك نط  فى نـاحيه

وضــاعت فـــــرده    يــمـــــين

تلقى عجــــــــوز واقف بالعافيـه

وجنبه شبـــــــاب قــــــــاعدين

مش عارفين الذوق وقــــــواعده

ولا قاريين فـــــــــــــــــى الدين

ولا عارفين لو كنا نســـــــــاعده

بكــــره الـــــدور عــــــلى مين

واللى يــــــــــدوس على رجلك

واللى يضــــــــــايقك بالتدخين

واللى يبيع مناديل وحجـــــــاره

وكـــــشـاف جــــــاى م الصين

واللى بيزعـل لما يشوفــــــك

واقـــــــــــــف جـــــنبه تخين

لو مش ليك حنقول شـــــكوتنا

قول لى حنشكـــــــــى لمين

حل المشكلة دى مـــن فضلك

واعــلن فى القــــــــــــــوانين

اعمـــــــــل خط جديد للمترو

هــــــــــــات أتوبيس بدورين

اعمــــــــل شىء خلينا نحس

بإننا بنى آدمــــــــــــــــــــين

نقــــــــــدر نركب أى مواصله

حتى مـــــن البســـــــــاتين

مهداه للعريس الشاعر بهاء أبو آدم ...من الشاعر أحمد حسن عمر

مبروك بهاء

*****

أنا بكره ح اروح الخانكه     مع إنى مانيش مجنون

أصل  (بهاء) عامل زفه      والأكل هناك مضمـون

*****

ونــور ومعاها  ( البنّـا )      ح يكونوا من المعازيم

فرحان وكمـــان باتمنّى      اقـــابــل عـــمــروسليم

وعـــريسنا بهـاء يتهنّى      علشان له قلب حـنـــون

*****

البيبسي تـفــــرّقه نونـه     ويصـوّر أحمــــد فـــينا

عروستنا اهى صغنونه     وكمـــان مــنــنا وعـلينا

وعشان رقتها وذوقهــا     الصعب عشانها يهــون

*****

وإن شاورت بس إشاره     الكل يكون ف العــون

والزينه ح تملى الحـاره     والفرحه حتملى الكون

وأروح يا  اخوانّا  اسلّم     بإيــديــا على المأذون

مبروك يابهاء ياشاعرنا    وعروستك والله أميرة

دايماً واخد بخاطـــــرنا    ومفــــــــرّح كل العيله

ويــارب تخـلّف   آدم      ويكون راجل فى الجون

*****

وساعتها ح يبقى حقيقى     لو قلت لك يــــا أبـو آدم

وتروح تسكن فى مارينا    مش زحمه ودوشه وعادم

وأشوفك شاعــر جــــامد    طــــــــالع فى التليفزيون

كلمات

أحمد  حسن عمر

6/5/

أغلى الشهادات ..أحمد حسن عمر

**********

عندما سمع ( عازم ضراخمة ) بخبر نجاح ابنته فى الثانوية العامة كانت سعادته لا توصف..اسرع بشراء سلسلة ذهبية لإبنته معلق بها مصحف جميل عليه صورة المسجد الأقصي

اقترح على ابنته ( هبة )أن تدخل كلية الحقوق لكنها اختارت كلية الأداب (جامعة القدس ) ووعدت والدها بحصولها على أعلى الشهادات بل ستحصل على شهادة يظل يفخر بها طول العمر ..فى عيد ميلادها الثانى والعشرين دخلت حجرتها لكى تذاكر فسمعت انفجار فى احد المناطق القريبه راح ضحيته تسعة عشر فلسطينيا وعدد من الأطفال الأبرياء لم تفكر كثيرا ..قامت بوضع الحزام على صدرها واحكمت غلقه ..قبّلت والدتها وصورة اخيها الشهيد..

وأخبرت والدها انها ذاهبة للمركز التجارى( بالعفولة ) لشراء بعض الأقلام لأنها ترغب فى كتابة شىءمهم..بعد عشر دقائق سمع إنفجار عظيم داخل المركز التجارى فأسرع والدها الى هناك فوجد المركز حطاما والقتلى الإسرائيليين لا حصر لهم ووجد إبنته المبتسمة  فى دمائها .. المصحف بيدها اليمنى..وفى اليد اليسرى رسالة

( هذه يا والدى أغلى الشهادات )

..أخذ المصحف من رقبتها وقبّله .

 وقبّلها.......فى المساء تقبل التهانى

افتح قلبك ..ل ..أحمد حسن عمر

 

******

صفـَّـر عـــداد ذنــــوبك      ارفـــع فولت الإيمـــان

نضّف م الإثـــم تـــــوبك      تِعــــلا وتربـــح كمان

******

خلى الأمبــــير عبــــــاده      نــــــوّر قلبك زيــــاده

مش ح تـنــول السعــاده      لـو ح تجارى الشيطان

******

إرفــع جهــد القـِــــــرايه      زيـّن قــلـبــك بــــــآيه

ركّـــب مفــتــاح هـدايه      ع السور جنب الجيران

******

إفـــــــــرد سلك المحبّه      إجـــــــــذب كل الأحبّه

حتـــــــلاقى الكفَّه طبّه      أعمـالك فى المـــــيزان

******

وصّـــل قلبك بـربــــك      نـــــوّر كشــاف حبايبك

إفتــــــــــــح للكل قلبك      إزرع خــــيرك غيطان

الله يعــينــك ..!! ...أحمد حسن عمر

,,,,,,,,,,,,,,,,,,,,,,,,,,

جاى تتأكد

إن الطعنه بتاعتك صابت

طبعاً صابت

تسلم إيدك ليا يا صاحبى

ويسلم ليا كمان تنشينك

تسلم عينك

اللى اختارت إن الطعنه

تروح لصديقك

قصدى زميلك

قصدى عبيط كان فاكرك صاحبه

كان بيحبك ويغنيلك

كان بيفكر لمّا ح يبكى

انت اللى تخرّج منديلك

كان لو حس فى مرّه بخنقة

كان بيجيلك وبيحكيلك

المشكله مش جرح ياصاحبى

المشكله مش يعنى خيانتك

أو تدبيرك

المشكله مش كتّر خيرك

المشكله ولآخر لحظه

كنت باحبك كنت داعيلك

أنت خسرت خساره كبيره

أنت خسرت صلاتك ,دينك

وخسرتنى !

وانا كنت باشيلك

نفسى فى حاجه ؟

آخر حاجه

إمشى ياصاحبى

وماتبقاش تبعــت مراسيلك !!!!