إستراحة ..!!

* نقول طعام ( مسلوء )وهى فصيحة

والفعل سلأ ـ يسلأ ـ

*نقول فلان ( مرّيش )ونقصد انه غنى

وهى فصيحة ـ فالفعل راش ـ يريش

ـ أى صار غنيا

*نقول ( ملظلظ ) واللظلظة كلمة فصيحة

بمعنى بدينة ـ

نقول فلان( فتك ) من الفتاكة أى قوى لا يبالى

ونقول خرج ( يعط ) ومعناها يقطع الشوارع

طولا وعرضا وليس له هدف

ونقول  (ايش )جابك هنا ـ

ومعناها أى شىء أتى بك

نقول فلان ( انشكع )

ومعناها انه كان سعيدا مرفوع الرأس

فلان ( سكع ) فلان على قفاه ـوهى فصيحة

والمعنى انه ضربه

·       فلان ( ملحلح)ونقصد انه شاطر وذكى

·       وهى اصلها محلحل ومعناها انه سيد الناس ويتقدم عليهم

المسحراتى

اشعر بالسعادة كلما شاهدت المسحراتى وهو يـمر من شارعـنا ويذكر أسماء من يقطنون فيه ، وكان ابنى  "عبدالله "  يقـفــز مسرعـا عــلى كرسى " الأنتريه  " ليرى المسحراتى من النافذة المطلة على الشارع ويشير لى  " عبد الرحمن "  طـالبا منى ان احمله فــوق كتفى ليشاهد ويسمع المسحراتى مثل أخيــه وتقف مــن خلفنا زوجتى وتضع يدهـا الحانية على كتفى  في حب وحنان وهـى سعــيـدة كــأنها طفلي الثالث الصغير لنستمتع معا بهـذا المنظر البديع  " يا عبد الله  وحــد الله "   " يـا عـبد الــرحمن إتـق الله  "  ، " السحور يا مؤمنين  "  ... ونضحك معا ونـشعــر بفــرحة غــامرة ونحن نسـتعــد لــتناول السحور .  منذ ثلاثة ايام حدثت مشاجرة بينى وبين زوجتى تركت على أثرها البيت وذهبت الى بيت والدها وأخذت ولدى معها وكانت المشكلة بسبب ملابس العيد  ،  فهى لا تقدر الظروف وانا لا اعرف كيف لموظف بسيط مثـلى أن يتحمل اعــباء ومصاريف شهر رمضان بالإضافة الي الكعك والبسكويت ؟ !!

ثم بعد ذلك يستطيع شراء ملابس العيد والتى يجب أن تكون أغلى وأحلى من ملابس أولاد أخيها وأختها  !! لكنها دائما تصرخ فى وجهى  ماليش دعوة  ..اتصرف .. استلف  ، والأسوأ من ذلك انها لم تسألنى اذا كنت أخرجت زكاة الفطر أم لا ؟

اليوم حضر المسحراتى وأخذ ينـادى بصوتـه العــذب الجميل  " ياعبد الله "  " يا عـبـد الرحمن  " كعادتة  وهــو ينظــر إلى نافــذة شرفتى ينتظر ان يرانا  نظرت له مـن خلف  ستائرى الحزينة وودت لو أخبرتة بما حدث وتمنيت أن يقول  " يا أم عـبدالله وحـدى الله "  " يا أم عبـدالرحمن أتــق الله  " وذهبت للنوم دون أن اتناول سحورى ...!!!

حاجات ..

*********

حاجــات إتغــيّرت فـــيّا

حاجــات إتغــيّرت فيكى

لا انا قادر فى يوم ارجع

ولا قـــادر اجــــاريــــكى

ولا قـــــادر ابيع نفــــسى

وابيع الـدنيــا وارضيـكى

وافهّم فيكى مــش نــافــع

واعلّم فيكى مـش نــافــع

يا  افارق دنيتك وامشـــى

يا اعيش جنبك ومش ليكى !!!

عناديّة ..!!

**********

باشوف سـتات ف كل مكان

جمال,أخلاق وحنيّة

واشوفك ف العيون بركان

ثوانى وينفجـر فيّا

طب امسك (سنجه)لجنابك

واعمل مرّة بالنيّة

واحـقـق حلـم كان شـــابك

ولسّـه البنت بنيّة

************

خلقـنا ربـنــا مــــــن طين

وخلقك ليه عنادية

اعيش جنبك حياتى حزين

قتيل,مسكين بــلا ديّة

ورايح فين وجــــاى منين

ورغى لواحدة هنديّة

واعدّى ف الأمـــور لكن

أمورك مش معديّة

فلا دوة فى يوم عـــــاجبك

ولا عجباكى يوم ديّة

********

واكون مهدود وانام حيران

واقوم الحق ف ورديّة

واكدب لو سألنى جيران

واقول دا حياتى ورديّة

*******

يارب انت سميع فــتــّاح

بادعى ف ساعه بدريّة

يا امّا تاخدنا لجل ارتاح

يا  تاخد ست  بدريّة !!!!

عناديّة ..!!

**********

باشوف سـتات ف كل مكان

جمال,أخلاق وحنيّة

واشوفك ف العيون بركان

ثوانى وينفجـر فيّا

طب امسك (سنجه)لجنابك

واعمل مرّة بالنيّة

واحـقـق حلـم كان شـــابك

ولسّـه البنت بنيّة

************

خلقـنا ربـنــا مــــــن طين

وخلقك ليه عنادية

اعيش جنبك حياتى حزين

قتيل,مسكين بــلا ديّة

ورايح فين وجــــاى منين

ورغى لواحدة هنديّة

واعدّى ف الأمـــور لكن

أمورك مش معديّة

فلا دوة فى يوم عـــــاجبك

ولا عجباكى يوم ديّة

********

واكون مهدود وانام حيران

واقوم الحق ف ورديّة

واكدب لو سألنى جيران

واقول دا حياتى ورديّة

*******

يارب انت سميع فــتــّاح

بادعى ف ساعه بدريّة

يا امّا تاخدنا لجل ارتاح

يا  تاخد ست  بدريّة !!!!

اللى جرا ..منّى !!!

***********

زعلتهـــــــــا مـــنّى

مع إنهــــــــا مـــنّى

محفوره جوه القلب

مـــــــــزوّقه الننّى

*************

زعلتهـــا اكـــمنّى

كان ( الغبا ) منّى

طاوعت موج الغضب

ســــايرت لى جــــنّى

***********************

وغـــيرها مـــــالى حد

فى الشـــدّه بيعيــــنّى

وأنا السبب فى البعــد

ودا .. اللى حــــــزّنى

************************

لكنّى زعلتها

زعلتهــا لإنّى

بعت اللى كان شارى

اخـــترت بايعـيـــنّى

********************

يارب رغم البعد

انت اللى ح تعيــنّى

تنسّـى قلبى البعــد

واللى جرا .. منّى !!!

شعب مصر

شعب مصر

***********

عـاوز اقـول لك بس حـــاجة

لاجل اوضّح فى الأمـــــور

شعب مصـــــر شعب طيّب

إن ظلمته فى يــوم يــثــور

**********

شعب يصبر يوم معـــــــاك

شعب يسمـــع لك نـــــــداك

شعب لو شــــــــــافك بتدّى

يــوهــب الأرواح فـــــداك

***********

شعب نفسه يشوف عــــداله

شعـــب ملّ مــن الــنـــداله

شعب فى الغــدر إستحـــاله

شـعــب يشــبه للمـــــــلاك

************

شعب داق م الظلم يامـــــــا

شعب نفسه فى إبتســـــامه

شعب بتقـــــوم الــقـــيـــامه

لو نصبت له الشـــــــــــباك

*************

شعب عاش فى سنين عجاف

اكله كان ( ارديحى ) حاف

بس عمره ف يوم ما خــاف

شعب يتحمل قســـــــــــاك

************

طلّع انت أجمل مــــــــا فيه

ازرع الخـــــير حتــــلاقيه

لو حتفــــرح مـــــــــرّه بيه

تلقى كل الناس معــــــــاك

صوت الشارع

ايـــام بتفوت  ’ وسنين بتفــــوت

وصالون الشارع عـــالى صوت

مجهــــود جبار وشباب شطـــار

بـ  (الكلمه نبنى وطن ) وبـيوت

**********

رايحين جايين  ’جـــوه الميادين

وبنحضن كل المصــــــــــريين

بتموت الكلمه ان كـــانت زيف

والكلمه الحـرّه مـاهيش بتموت

*************

بتعــدّى بسرعه من الأســـــوار

بالكلمه جهادنــا و بالأشعــــــار

مالناش احزاب ’ مالناش تـيــار

وماحدش ماسك لينا ( ريموت )

************

ارهــــــاب الخـلــق ما بنحبــــوش

ولا هدم وقتل وصوت خـــرطوش

طب مين مع مين أو مين حيحوش

ياممرر جــــــوه الحلـق القــــوت

**************

الكلمه ســلاحنا ومش خــايفين

الكلمه سلاحنا عشان عارفيين

كان لازم يبقى حـــوارنا بلين

مين قـــــــال نتفاهم بالنبوت

*************

جايين فاتحين  دراعات  للكل

زارعين ف قلــوب الكل الفل

بنحب بلـــدنا ومش ح نمـّـــل

لو حتى بقينا جثث ف تابوت

***********

ماهو صوت الشارع

مش حيموت

عـــــقــد ........( قصة قصيرة )

حجرة متر فى متر أعلى سطح بيت قديم

 فى حى شعبى عشوائي ..

كانت مأوى لأحد الفئران

 أو القطط على أبعد تقدير..

لكنه عندما ذهب لإستئجارها

أو(الموت فيها )

 طلب منه صاحب البيت ثلاثمائه جنيه

ولأننا فى زمن قلت فيه قيمة الإنسان

 وتساوى مع...............!!

.ولأن الفرق بسيط  بينه وبين ........!!

قرر أن يوقع العقد ....

...............

أحمد حسن عمر