ضرايب ..!!
******************
عندى محـل يـادوب متريــن ... ويحـــاسبونى حســاب ملكين
وامّا اتظلم .. اســمـع منهـــم ... ادفـع ... واتظلــم بعــــــدين
*****************
اللى معاه عـمارات وفـلـوس ... يهرب ولا يـدفـعش ضريبه
واللى يادوب بيلاقى غموس ... لو مادفـعــــش بتبقى مصيبه
************
اللى بيسرق ارض وجـــاير ... ما بيدفـعــش ضرايب يـــاما
وتدفع اللى ف كشك سجاير ... مــع انهـا بتربّى يــــتامــــى
***************
فين العــدل قوليلى يا دوله ... احنا بقينــا ســـــــــــــنة الفين
حادفع لكن عندى محاوله ... اعـرف رايحه فلوســــى لفين
*****************
رايحه لجيبكم ولا لشارع ... بكــره وبعــــده يكون متسفلت
لو للشارع حادفع طبعـــا ... لـــو لــجيـــــــوبكم لازم افلت
*****************
لو فى ظلم انا ح اهرب طبعا ... والملـــيـــــون ح اكتبه الفين
لو بالعدل انا ح ادفع فـــورا ... لوفيه فايده ح اقوال م العين
*********************
مصر بلدنا وغاليه علينــا... مش ح نـــزوّد دينهـــــــا بدين
ليست هناك تعليقات:
إرسال تعليق