***********
زعلتهـــــــــا مـــنّى
مع إنهــــــــا مـــنّى
محفوره جوه القلب
مـــــــــزوّقه الننّى
*************
زعلتهـــا اكـــمنّى
كان ( الغبا ) منّى
طاوعت موج الغضب
ســــايرت لى جــــنّى
***********************
وغـــيرها مـــــالى حد
فى الشـــدّه بيعيــــنّى
وأنا السبب فى البعــد
ودا .. اللى حــــــزّنى
************************
لكنّى زعلتها
زعلتهــا لإنّى
بعت اللى كان شارى
اخـــترت بايعـيـــنّى
********************
يارب رغم البعد
انت اللى ح تعيــنّى
تنسّـى قلبى البعــد
واللى جرا .. منّى !!!
ليست هناك تعليقات:
إرسال تعليق