لاحظى انى باحـافظ على شـغــلى رغــــم الخـــــــلافات
رغـــم العصــــــــــبيه اللى بتغلى طــــــول الأوقــــــات
فياريت علشان خاطـــرى تراعى فى مـــــرّه شعـــورى
علشــــان أنا وانتى نكون قـــــدوه لـــــولاد وبـــــــــنات
***********
فيها إيــــه ؟ لو بالصــوت الواطى قلــــتى مـــــلاحظات
من غــير ما نجيب عبد العــــاطى ويقــعــد ويــــــــبات
من غـــير ما جيران تسمع صوتنا ولَّا تــشــــــــــــوفنا
وانا باجـــــــرى وراكى من القلعه لكــفـــــر الـــزيــات
*************
أســرارنا الـــرايحه على جــــارتنا نـــزلت ع الشــــات
غـــير غـمــز ولمــز قصــــاد بيتنا مـــن ســـت آيــــات
كــــل اللى يهـــمــــك مصلحــتـــك وفى داهــيــه الـناس
وانا أكـــتر من مــــرّه نصحــتـــك مــا بـــــلاش تفاهات
**************
ح تعلى فى صــوتـــك راح اعلّــى ونعـمــل خـنــاقـــات
وح تشتـــمى ح اشتــــم متــــــولى وســـــتك فــتــاكــات
م انا عصبى وروحى فى مناخيرى وكــــتّر خــــــــيرى
م الفجـــــر باقـــــوم انا على شغلى باســهــر وبـــبــــات
*************
مش طــــالب غـــــــير كلمه لطيفه ويـــّــا ابتســــــامات
والشقــه تكــــون مــــــرّه نضيفه وتلمــع مــــــــــرايات
وبــــــــلاش فى عــنادنا لبعضينا نقتل فى حــــاجــــات
وبلاش علشان خـاطرى تطاوعى شغـــــل الحمــــاوات
***************
بالصــــوت الهـــــــادى ح نتفاهم ونشــوف إجـــــــابات
بتعلّى الصــــوت ليه مش فاهــم ولّا دى حــــــــركات
بتعاندى فى إيه انـــا مش عـارف بتحــاربى فى مين ؟!!
وانا وانتى فى مركب راح تغرق من دى الأزمــــــــات
******************
عاوزه تغــــيّرى من تفكــــــيرى الـــوقت اهو فــــــات
دا الأسهـــل تتجـــــوزى غيرى ونبعـد مســــــــــافات
إنَّما بــــدمــــــاغك مش ح امشى ومـــــش راح اطاطى
ولا عمــرى ح اوافق إنى امشى بأمــــــــــــــر الستات
................
أحمد حسن عمر
ليست هناك تعليقات:
إرسال تعليق