***********
جــــريوا الولاد كـلهم.... عــــلى بنت متعــــايقه
عاوزينها تضحك لهم..... فضلــت تقـــول .. لأه
***************
قام شاب م الناصحين..... ســــرّح لهــــا القصه
عشّمهـــــا بالفســاتين..... قــــالت عــليه فرصه
بســرعه جاب الدهب..... وفــــرش لهــا شقــــه
*************
نصحها ابـوهـــا كتير..... لمّــــا تعـــــب زوره
إوعى الجمال يخدعك...... أو يســـرقك نـــوره
البنت مـــاســمعـتــش...... قالت تشــوف دوره
بعــد الجـــواز إفترى ......كـان كل يــوم علقه
************
الشاب شال فى الحـال...... الــــدبله من صابعه
والشرب ليل ونهــــار ..... والغــدر كان طبعه
لقى كل شىء إنهـــــار.... قام سابها ف الزنقه
*************
رجعت لابوها قالت له..... إنصحنى من تــانى
قام ابوهــا رد وقــــال..... هـــو انت سامعانى
أنا قلت لك مــن القلب ......والنصــح لـه دقـه
المال يضيع والجمــال ..... والأصـــل يـتبـقى
ليست هناك تعليقات:
إرسال تعليق