ياللى رفـعـــت الدعـــم إسمعـنى
قبل ما يبقى الوضـــــــع مخيف
زادت كل الأسعـــــــار يعــنــى
ولسه مـــوظف راتبى ضعيف
ولسه ما جيبتش كعــك وعجوة
ولسه عــزومة عــم ظـــريف
إمســــــك ألف جنية وتعــالـــى
نـقـعـــد نحسب ف المصاريف
وإلغى اللحمه وإلغى الفــاكهــــة
وإعــرف ان مـافـــــيش تكييف
بس احسب لى إيجـــار الشقة...
وأى مواصله وفـــول ورغيف
وخمسه عيـــــــال والأم معاهم
خـــدمــة بسيـطه بدون تكليف
أنا مش عــــــــــاوز أكل مانجه
ووعد ما اجيش جنب البلوبيف
ومش راح ابص لواكل رومى
وقاعــد بــاشـا ولبسه نضيف
خمسين ألف ياخــدها مرتب
وانا بتحـــــاسب ع التعاريف
قول لى إزاى اقــــــدر اربيهم
وافضل عايش برضه شريف
انت العــــــــــالم بيا ياربى
وانت القــــادر ع التصاريف
ليست هناك تعليقات:
إرسال تعليق