الســحور..!!

***********************

جبت الفـــــول والحلو ذبادى

قــلـت اتســـحّــــــر والأولاد

فجأة النور راح قاطع عادى

إتعــــودنا .... على المعــتاد

إيد محمود تخبط إيد شــادى

والأطباق مش باينه قصادى

والمليـان بقى زى الفــاضى

ولا حسّينا بطعم الـــــــــزاد

هو النور ده بيقطع عــــــندك

وأنت بتجرى تجيب فـوانيس

ولّا بيقطع عـــنــدنـــا بـــــــس

وانت ياسيدى فى قصر رئيس

حـــــاسس بينا ولّا ســـــــفينه

بتبحـــــر بينا بدون حــراس

دا أنــــــــــا حبيتك لمّا لقيتك

قلت إن احنا العين والــراس

هو الكرسى قـــــــــوام بيغيّر

حاجة غريبه وحـــاجة تحيّر

ولّا الشعب عشان ما صغيّر

أول شـــــىء لازم ينـــداس

إخترنــــاك علشان تساعدنا

مش علشان تفضل توعــدنا

رمضان عدا وبعديه عيدنا

ولا العيد مش جاى خلاص ؟!!

الإسعــــار زادت هرستنا

وموصـــــلاتك دى قرفـتنا

غـــيرالفــرقه وغــيرالفتنة

إعمل حاجه عشان تنباس