*******
ومين اللى خـــذل غــزّه
ومين اللى عــزل غــزّه
ومين اللى قتل اطفـــــال
وحس ساعتها باللـــــذّه
**********
ومين فينا اللى إتخــاذل
ومين فينا اللى إتـنــازل
ومين خاين ومين نـازل
فى قلب جراحنا يتغـذى
**********
يا أمه نايمه من مـــــدّه
سلاح الشجب دا صـدّا
فإمتى نفــوق ونتصدى
إمتى نفــز لـــــو فــــزّه
**********
نرجــــــــــع بيها عزتنا
ونحمى أرض غــــزتنا
ونعرف إن وحـــــــدتنا
ســـلاح هنرد بيه غـزّه
***********
يا أمه ليه ما بتحــــــسّى
وليه معاكى تعب حـسّى
بنسمع ليه هنا ( نانسى )
وتستشهد هناك عـــــــزّه
**********
بتستشهــد وبتـنــــــاضل
بتوزن يجى ميت راجل
وحــاكم م العرب فاضل
بيشرب دمنا مـــــــــزّه
**********
سؤال حاير بقـاله سنين
ســــــؤال بيهزنى هزّه
إمتى يعود صـــلاح الدين
أكون طارق, تكون حمزه
ليست هناك تعليقات:
إرسال تعليق